Ihohoterwa rikorerwa abagore ryariyongereye cyane mu bihe bya koronavirusi

Kugeza ubu, byinshi mu bihugu byo ku isi byagiye byoroshya ingamba zirimo nko gusubukura byinshi mu bikorwa, ariko nta wakwirengagiza ko amamiliyoni y’abantu yahise abura akazi kugeza n’ubu, abandi bakaba bagisabwa gukorera mu rugo. I bi rero ngo byongereye cyane imibare y’abagore bahohoterwa.
Ibi ni ibyatangajwe muri raporo y’umuryango w’abibumbye, aho bagaragaza ko mu bihugu hafi ya byose akarengane n’ihohoterwa bikorerwa abagore byiyongereye bitewe n’uko abagabo benshi bamaze igihe kinini bari mu rugo kandi na serivisi nyinshi zigamije gufasha abahura na bene ibyo bibazo zikaba zidakora neza muri iyi minsi ya koronavirusi.
Umuryango w’abibumbye wasabye ibihugu byose byo ku isi gushyira imbaraga mu kurinda umugore ako karengane n’ihohoterwa.
SRC: Euronews