Ibyahishuwe ku muzamu Iker Casillas washakanye n’umunya Esipanye utara inkuru za siporo

Amateka yakoze amugira umuzamu w’igihangage wabayeho ndetse mu 2008 yatowe mu bahatanira Ballon d’Or ndetse afite agahigo ko kuba umuzamu muto wakinnye Champions League.

Uyu mugabo ubuhanga bwe bwatumye akinira ikipe y’igihugu cye kuva ku mu ikipe y’abatarengeje imyaka 15,16,17,18,20,21 no kugeza kubakuru. Mu ikipe ya Real Madrid yayifashije kwegukana ibikombe bya shampiyona 5 na Champions League eshatu.

Real Madrid yayikiniye imyaka 17 kuyivamo byatewe n’umusaruro utari mwiza iyi kipe yagize mu mikino mpuzamahanga, harimo gutsindwa na Sevilla 2–0 muri FIFA Club World Cup no gutsindwa San Lorenzo 2–0 k’umukino wa nyuma wa FIFA Club World Cup Final.

Mu 2015 yinjira muri FC Porto yafashije iyi kipe kwitwara neza mu mikino ya Champions League harimo gutsinda amakipe akomeye na Chelsea. Imikino myinshi yamaze adatsindwa mu gihugu cya Portugal ni 16 ndetse yabaye umukinnyi ukurikira Cristiano Ronaldo mu batsinze imikino 100 ya Champions League.
Ikibazo cy’umutima yagize cyatumye ikipe itamusezerera imuha inshingano zo gutoza ngo abe akira. Hagati mu mwaka w’imikino 2019-2020 yagarutse mu kibuga gusa ari umutoza n’umukinnyi, ariko nta mukino n’umwe yakinnye ariko ikipe ibasha kwegukana igikombe cya shampiyona.

Urukundo rwe n’umunyamakuru

Sara Carbonero ni umunya Esipanye ukora umwuga w’itangazamkuru ryibanda ku makuru ya siporo, uyu muzamu yavuze ko yamurambagije ubwo yamukoreshaga ikiganiro (interview).

Mu 2010 ubwo ikipe y’igihugu y’umupira w’amaguru muri Esipanye yegukanaga igikombe cy’isi uyu Sara Carbonero yagaragaje amarangamutima menshi avuga ko aka kazi katari koroshye dore ko yarazi ibibera inyuma y’amarido.

Ubwo uyu mugabo we yari mu ikipe ya FC Porto mu myitozo byaje kumenyekana ko uyu mugabo yagize ikibazo k’umutima mu myitozo gusa ntiyacika intege.

Iker Casillas afatwa nk’umuzamu w’umunyabigwi dore ko afite ibikombe bitatu bya Champions League, European Championship ebyiri n’igikombe cy’Isi cyabereye muri South Africa.

Tariki 4 Kanama 2020 Ikel yahagaritse gukina umupira yerekeza mu rugo kujya kuba umujyanama wa Florentino Pérez muri Real Madrid.